1. Ун же талкандан жасалган жарма. Алымдардыкынан атала ичермин (Жантөшев). Сүйбөгөнгө суюк атала берет (макал). 2. Тартылган арпа, жүгөрүдөн кайнатып бышырылган малга берилүүчү тоют.

диал. Аталгы.

«Ата» деп кайра-кайра айта берүү атага сыйлуу мамиле кылуу. Адамда жыргал эмеспи Аталап турса балдарың (Токтогул). Башыңды көтөргөнчө балаң келип аталап турса, анан кайда барасың (Станалиев).